खिलाड़ी खेल भावना के संग उत्कृष्ट खेल के प्रदर्सन करय… सिंहदेव

अम्बिकापुर ।  पंचायत अउ ग्रामीण विकास, लोक स्वास्थ्य अउ कुटुंब कल्यान, चिकित्सा सिक्षा, योजना आर्थिक अउ सांख्यिकी, बीस सूत्रीय, वाणिज्यिक कर (जी.एस.टी.) मंत्री टीएस सिंहदेव के मुख्य आतिथ्य म जिला मुख्यालय अम्बिकापुर स्थित कलाकेन्द्र मइदान म चण्डिकेश्वर शरण सिंहदेव स्मृति क्रिकेट टूर्नामेन्ट के शुभारंभ करिन।

ए अवसर म उमन पूर्व सांसद स्व. चण्डिकेश्वर शरण सिंहदेव के खेल के प्रति गहरी रूचि रखे संबंधी जानकारी देवत बताइन के ओ मन ल क्रिकेट के संगेच शतरंज खेल म घलोक निपुरनता हासिल रहिस। उमन खिलाड़ी मन ले खेल भावना के संग उत्कृष्ट खेल प्रदर्सन के आग्रह करिन। उमन टूर्नामेन्ट के सरलग आयोजन बर आयोजन समिति के धन्यवाद ज्ञापित करिन।

टूर्नामेन्ट के सुभारंभ स्व. चण्डिकेश्वर शरण सिंहदेव के छायाचित्र म माल्यार्पण अउ दीप प्रज्जवलन के संग करे गीस।  सिंहदेव ह क्रिकेट खेल करके टूर्नामेन्ट के सुभारंभ करे गीस। उद्घाटन मइच नागरिक एकादस अउ पुलिस एकादस के मध्य खेले गीस। नागरिक एकादस के नेतृत्व  विकी बाबा अउ पुलिस एकादश के नेतृत्व सदानंद कुमार ह करिस।