जय जोहार…. (Raipur) पोसण माह के अवसर म छत्तीसगढ़ ल कुपोसण-एनीमिया ले मुक्त बनाय अउ मनखे मन म सुपोसण के प्रति जागरूकता लाय के उद्देश्य ले महिला अउ बाल विकास विभाग डहार ले राजधानी रईपुर के तेलीबांधा स्थित मरीन ड्राइव म 11 सितम्बर के बिहनिया 7 बजे साइकिल रईली के आयोजन करे जाही।
ए रैली म गढ़बो नवा सुपोसत छत्तीसगढ़ के संदेस लेके जनप्रतिनिधि अउ मनखे मन ह सामिल होही। (Raipur) पोसण मोर घलो जिम्मेदारी‘ के ध्येय वाक्य ल लेके रईली म कतकोन कदम कुपोसण मुक्त छत्तीसगढ़ बनाय के ओर आगू बढ़ही। महिला अउ बाल विकास मंत्री अनिला भेंड़िया ह किहीन कि कुपोसण देस के एक बड़े समस्या हे, जेखर प्रभाव ह महिला अउ लइका मन म जादा देखे गेहे। मुख्यमंत्री भूपेश बघेल समेत हमन सबो ह छत्तीसगढ़़ ल कुपोसण मुक्त बनाय के सपना देखे हन।
(Raipur) राज्य सरकार ह एखर बर 2 अक्टूबर 2019 ले मुख्यमंत्री सुपोसण अभियान सुरु करे हे। एखर सकारात्मक परिणाम सामने आय हे। प्रदेस म कुपोसित लइका मन के संख्या म 32 प्रतिसत के कमी आय हे अउ 80 हजार महिला मन ह एनीमिया ले मुक्त हो गेहे।
No Comment! Be the first one.