कोरोना के वजह ले न्यायालय म लंबित मामला के तारीख बढ़ गिस आगे

जय जोहार रायपुर…. विश्व भर म कोरोना के कहर जारी हे। छत्तीसगढ़ म एखर दस्तक के संग ही न्यायालय म घलो एखर असर देखे ल मिलत हे। कोरोना के संक्रमण ल रोके बर हाईकोर्ट घलो एडवायजरी जारी करे हे। एडवायजरी के मुताबिक जिला न्यायालय रायपुर, गरियाबंद, तिल्दा, राजिम, देवभोग म लंबित मामला मन के सुनवाई टाल दे गे हे। जेन तिथि मन म मामला के सुनवाई करे जाना रहिस। ओखर बर न्यायालय ह नवा तिथि के घोसना कर दे हे।

न्यायालय के तरफ ले केहे गे हे कि उक्त अवधि म अत्यावश्यक मामला म के सुनवाई करे  जाही। जेमा जमानत संबंधी मामला, स्थगन के मामला, रिमांड कार्य अऊ अन्य अत्यावश्यक प्रकरण शामिल हे।