ठेठवार होईस पूरा राजकीय सम्मान के संग पंचतत्व में विलीन , कलेक्टर एसपी संग जनसैलाब उमड़ीस

इतवार के दिन रायगढ़ के एक  एक मनखे मन के आँखी म आंसू छलकत रिहिस, संगे संग ओखर अंतिम यात्रा ल देख के गर्व होवत रिहिस काबर की दयाराम ठेठवार के शव ल राष्ट्रीय ध्वज में लपेट के पूरा राजकीय सम्मान के साथ मुक्तिधाम लेगे गिस। दयाराम एक स्वतंत्रता संग्राम सेनानी रिहिस अउ 98 साल के उम्र म वो ह ये दुनिया ले चल दीस।

समाजवादी विचारधारा के दयाराम ठेठवार ह 18 साल के उमर म स्वतंत्रता संग्राम के आंदोलन में कूद गे रिहिस । अंतिम यात्रा म रायगढ़ के कलेक्टर, एसपी के संगे संग बड़ अकन लोगन मन शामिल होइंन। अंतिम यात्रा के बाद ओला गॉड ऑफ ओनर घलोक दे गिस , अंत म पूरा राजकीय सम्मान के साथ बिदा हीगे शहर के दयाराम ठेठवार।