पुलिस आरक्षक के मउत, पुलिस लाइन के बाथरूम म मिले रिहिस बेहोश

कोरबा। पुलिस लाइन म रिफ्रेशर कोर्स करे बर आए रिहिस एक आरक्षक के मउत हो गे। आरक्षक के नाम संजीत झा हरे। बताय जाथ हे कि पाछू के कुछ दिन ले ओखर तबियत ह खराब रहीस।

आरक्षक पुलिस लाइन के बाथरूम म बेहोश पड़े मिलिस, जेखर बाद अस्पताल ले जाए गिस, जिहां डॉक्टर मन आरक्षक ल मृत घोषित करिस हे। घटना के जानकारी मिलिस ताहन मौका म पुलिस के आला अधिकारी पहुंच गिन।

मृतक आरक्षक संजीत झा मानिकपुरी ह चौकी म पदस्थ रहीस अउ रिफ्रेशर कोर्स के पहिली अधिकारी मन ले छुट्टी मांगे रिहिस, फेर वोला छुट्टी नई मिलिस।