बीजापुर मुठभेड़़ के जांच करवाए के मांग करिस लखमा ह

रायपुर : आबकारी मंत्री कवासी लखमा ह मुख्यमंत्री भूपेश बघेल ल पत्र लिखे हे। लखमा ह पत्र लिखके सुकमा मुठभेड़ म मारे गे महिला के परिवार ल मुआवजा देय के मांग करिस हे।  संगेच बीजापुर मुठभेड़़ के घलो जांच करवाए के मांग करिन।

मंत्री कवासी लखमा के कहिना हे, ‘सुकमा म पुलिस अउ नक्सली मन के बीच होय क्रॉस फायरिंग म महिला मारे गिस हे। लिहाजा महिला के परिवार ल मुआवजा देय जाना चाही।’

एखर संगचे लखमा ह पाछू दिन मन म बीजापुर म होए पुलिस-नक्सली मुठभेड़ के घलो जांच करवाए के घलो मांग करिन हे। सुरक्षा बल मन ह मुठभेड़ म 10 नक्सली मन ल मार गिराए के दावा करे हवय। उहें ग्रामीन मन के कहिना हे, मारे गे लोग नक्सली नइए, बल्कि आम ग्रामीन रहिन हे। जे नक्सली मन के बुलाए म  उंखर कैंप म गे रहिन हे। जे मन जवान मन के गोली के  सिकार हो गिन।