केंद्र सरकार के रुख ले हमारा शक सही साबित होवत हे : भूपेश बघेल
रायपुर : मुख्यमंत्री भूपेश बघेल ह विधानसभा के बजट सत्र के दउरान बताइस के, ‘केंद्र सरकार ह NIA केस वापिस करे ले इंकार कर दिस हे, जेखर ले ए घटना के साधारन नइ होए के हमार सक अउ बलवति होवत हे।’
भूपेश बघेल ह कहिन, ‘हमन केंद्र सरकार ल एनआईए ले झीरम मामला के केस फाइल वापिस करे के अनुरोध करे रेहेन, बहुत अफसोस के संग बताए बर पड़त हे, आज ही केंद्र सरकार ह ए केस ल वापिस करे ले मना कर दिस हे। ए पत्र आज ही मोला मिलिस हे। झीरम कांड साधारन घटना नइए, ए एक सुपारी किलिंग रहिस हे अउ आज केंद्र सरकार के रुख ले हमार सक अउ बलवती होवत हे।’
कांग्रेस सरकार बने के तुरंत बाद भूपेश कैबिनेट ह झीरम घाटी हमला के जांच बर SIT गठित करे के सरकार ह फइसला लेय रहिस हे। ए फइसला के बाद राज्य सरकार ह गृह विभाग ल पत्र भेजके एनआईए ले केस ल वापिस करे के अनुरोध करे रहिन हे। लेकिन गृह मंत्रालय ह राज्य सरकार ल पत्र भेजके केस ल वापिस करे ले इंकार कर दिस हे।
उहें NIA चीफ वायसी मोदी दू दिन के दउरा म रायपुर पहुंच गे हे, जिहां वो ह अधिकारी मन ले झीरम हमला ल लेके बइठक कर सकत हे।
Other Articles
दर्दनाक सड़क हादसा…एक ही गांव के चार युवक के मउत
बीजापुर मुठभेड़़ के जांच करवाए के मांग करिस लखमा ह
