विश्व आदिवासी दिवस के दिन नई होवय परीक्षा, विभागीय परीक्षा के तिथि म संसोधन

रायपुर। राज्य शासन ह विश्व आदिवासी दिवस के मौका म 9 अगस्त के सामान्य अवकाश घोषित करे हे, जेखर कारण गृह विभाग द्वारा आयोजित करे गे विभागीय परीक्षा के तिथि म संसोधन करे गिन हे।

पाछू के निर्धारित कार्यक्रम अनुसार ये परीक्षा ह 5 अगस्त ले 13 अगस्त तक होवईया रिहिस, फेर विश्व आदिवासी दिवस के दिन सरकारी अवकाश हे तेखर सती अब 9 अगस्त के होवईया परीक्षा ह 14 अगस्त के होही।

बाकी दिन के परीक्षा ह उही तारीख म होही। गृह विभाग ह सबो संभाग आयुक्त मन ल पत्र लिखके ये संबंध म आवश्यक तियारी सुनिश्चित करे बर अउ परीक्षार्थी मन ल सूचना दे के निरदेश दे हे।