उप मुख्यमंत्री अरुण साव ह लिस विभागीय समीक्षा बईठका, साफ, सुघ्घर अउ सुविधापूर्ण छत्तीसगढ़ बनाए बर दिस निर्देश

रायपुर।  उप मुख्यमंत्री अउ नगरीय प्रशासन अउ विकास मंत्री अरुण साव ह आज वरिष्ठ विभागीय अधिकारी मन के संग नगर निगम, नगर पालिका अउ नगर पंचायत के कार्य के समीक्षा करिन। ओहा मंत्रालय म वीडियो कॉन्फ्रेसिंग के माध्यम ले आयोजित समीक्षा बइठका म जम्मों नगरीय निकाय ल अनुकम्पा नियुक्ति के प्रक्रिया 10 जनवरी तक पूरा करे के निर्देश दिस। अउ नगरीय प्रशासन विभाग ह अनुकम्पा नियुक्ति बर प्रदेशभर के नगरीय निकाय में 353 नवा पद मंजूर करे गिस।

  उप मुख्यमंत्री अरुण साव ह बईठका म नगर निगम के आयुक्त अउ नगर पालिका अउ नगर पंचायत के मुख्य नगर पालिका अधिकारी मन ल रोजाना वार्ड के भ्रमण करके, निर्माण कार्य, साफ-सफाई अउ प्रकाश व्यवस्था के मॉनिटरिंग करे बर कीहिन। ओ हा नगरीय निकाय म बनत अटल परिसर अउ नालंदा परिसर के काम म तेजी लाए अउ इखर उत्कृष्ट निर्माण के निर्देश दिस। साव ह अधिकारी मन ल गंभीरता अउ सक्रियता ले काम करत हुए राज्य के शहर ल साफ, सुंदर अउ सुविधापूर्ण बनाए बर किहीन। नगरीय प्रशासन विभाग के सचिव डॉ. बसवराजु एस., विशेष सचिव आर. एक्का अउ संचालक कुंदन कुमार घलो ए समीक्षा बइठका म शामिल होइस।  

    उप मुख्यमंत्री साव ह समीक्षा बइठका म जम्मों नगरीय निकाय में अटल परिसर के निर्माण कार्य म तेजी लावत, अच्छा गुणवत्ता के उत्कृष्ट मूर्ति स्थापित करे के निर्देश दिस। ओहा कहिन कि अटल परिसर के ए तरह ले निर्माण करव कि शहर म एखर विशेष पहिचान अउ दर्शनीय स्थल बनय। ओहा प्रदेश के 12 शहर म बनाए जात नालंदा परिसर बर निविदा के प्रक्रिया पूरा करके शीघ्र काम प्रारंभ करे बर किहि। श्री साव ह अधिकारी मन ले कहिन कि नालंदा परिसर के शानदार अउ आइकॉनिक निर्माण होना चाहि। नालंदा परिसर अउ अटल परिसर के निर्माण सरकार के महत्वाकांक्षी कार्य हरे। ओहा आयुक्त अउ मुख्य नगर पालिका अधिकारी मन ल खुद एखर मॉनिटरिंग करे बर अउ प्रगति के नियमित समीक्षा करे के निर्देश दिस।

  उप मुख्यमंत्री साव बइठका म अधोसंरचना मद अउ 15वां वित्त आयोग के तहत स्वीकृत कार्य के संग प्रधानमंत्री आवास योजना (शहरी), अमृत मिशन 2.0, एसटीपी निर्माण अउ आकांक्षी शौचालय के कार्यों म घलो तेजी लाए के निर्देश दिस। ओहा निर्माण कार्यों म सामग्री अउ निर्माण के गुणवत्ता सुनिश्चित करे बर कहिस। ओहा जम्मों नगरीय निकाय के अधिकारी मन ल रोज बिहनिया भ्रमण करके निर्माण कार्य,  साफ-सफाई अउ प्रकाश व्यवस्था के मॉनिटरिंग करे के निर्देश दिस। ओहा 01 1 जनवरी ले ही एखर शुरूआत करके शहर म प्रकाश अउ सफाई के व्यवस्था दुरूस्त करे बर कहिस। श्री साव ह एमा कोनो भी तरह के कोताही न बरते अउ गंभीरता अउ सक्रियता ले रोज कार्य के मॉनिटरिंग बर कहिस। एमा कोनो तरह के हीला-हवाला पाए जाए म कड़ी कार्रवाई करे जाहि।   

  साव ह समीक्षा बइठका म प्रधानमंत्री आवास योजना (शहरी) के निर्माणाधीन आवास ल आगामी मार्च महीने तक पूरा करे के निर्देश दिस। ओहा गरीब मन के आशियाना तैयार करे के काम संवेदनशीलता ले करत, इखर निर्माण ल प्राथमिकता ले पूर्ण करे बर कहिस।  ओहा किफायती आवास परियोजना के तहत निर्मित आवासों के आबंटन हितग्राही मन ल तत्काल करे के निर्देश दिस। उप मुख्यमंत्री साव ह जनसमस्या निवारण पखवाड़ा के दौरान अनिराकृत प्रकरण के नियमित समीक्षा करके, एला जल्द ले जल्द निराकृत करे बर कहिस।

   साव ने नगरीय निकाय म नियमित अउ प्लेसमेंट कर्मचारी मन के समय म वेतन भुगतान सुनिश्चित करे बर कहिस। ओहा ऊर्जा के अनावश्यक खपत म रोक लगावत, विद्युत देयक मन के भुगतान समय म करे के निर्देश दिस। लंबित भुगतान के कारण विद्युत देयक मन म सरचार्ज लगे के स्थिति नई बनना चाहि। श्री साव नगरीय निकाय में सेट-अप के पुनरीक्षण बर आवश्यक जानकारी संचालनालय ल भेजे बर कहिन। ओहा आयुक्त अउ मुख्य नगर पालिका अधिकारी मन ल जम्मों कार्य के साप्ताहिक समीक्षा करे के निर्देश दिस। नगरीय प्रशासन अउ विकास विभाग के संयुक्त सचिव डॉ. रेणुका श्रीवास्तव, राज्य शहरी विकास अभिकरण (सूडा) के सीईओ श्री शशांक पाण्डेय अउ नगरीय प्रशासन विभाग के अपर संचालक श्री पुलक भट्टाचार्य सहित जम्मों क्षेत्रीय कार्यालय के संयुक्त संचालक अउ नगरीय निकाय के अभियंता घलो ए बइठका म मौजूद रीहिन।