Raipur : नगरीय प्रशासन मंत्री ह करीन चंदखुरी म 8.20 करोड़ रुपिया के 46 विकास काम के भूमिपूजन अउ लोकार्पण

जय जोहार । नगरीय प्रसासन अउ विकास मंत्री डॉ. शिवकुमार डहरिया ह रईपुर (Raipur) जिला के अंतर्गत नगर पंचायत चंदखुरी म सात करोड़ 50 लाख 12 हजार रुपिया के करीबन 40 काम के भूमिपूजन करीन । मंत्री डॉ. डहरिया ह 69 लाख 37 हजार रुपिया के निर्माण काम के लोकार्पण करीन ।

ए काम म रद्दा, नाली, बोर खनन, चौक, रंगमंच, उद्यान, सामुदायिक भवन, फुटपाथ, शेड, कर्मचारी आवास, प्रतिक्षालय निर्माण अउ चौक-चौराहा म लाईट व्यवस्था समेत 40 काम के भूमिपूजन अउ पौनी-पसारी, स्वच्छता, शेड अउ प्रकाश व्यवस्था सहित 6 काम के लोकार्पण करे गेहे। ए अवसर म क्षेत्रीय जनप्रतिनिधि अउ बड़का संख्या म नागरिक मौजूद रिहीन ।