डीजीपी अवस्थी ह कहिन-जवान मन ह बहादुरी के संग लड़ाई लड़े हे, जल्द ही ढेर नक्सली मन के नाम अऊ संख्या ल करबो उजागर

जय जोहार रायपुर…. नक्सल मुठभेड़ म डीजीपी डीएम अवस्थी ह कहिन कि हमर मन के जवान ह बड़ा बहादुरी के संग लड़े हे। मुठभेड़ म नक्सली घलो काफी संख्या म मारे गे हे। एक-दु दिन म ओखर संख्या अऊ नाम ह उजागर हो जाही। वो हा कहिन कि हमर मन के जवान ऑपरेशन ल जारी रखही।

डीजीपी अवस्थी ह कहिन कि प्रदेश के मुख्यमंत्री भूपेश बघेल ह सुकमा म घलो केहे हे कि नक्सली मन ल छोड़ा नई जाही। ऑपरेशन सरलघा जारी रही। जतका जवान शहीद होए हे, ओखर हथियार ल नक्सली लूट के ले गे हे। नक्सली घलो भारी संख्या म मारे गे हे। ओखर अभी पूर्ण जानकारी नई हे। कुछु देर म जारी करे जाही। राष्ट्रीय सुरक्षा सलाहकार के संग बैठक ल लेके कहिन कि आज श्रद्धांजलि कार्यक्रम होए हे। अब बैठक के बाद पता चलही कि क्या दिशा-निर्देश होही।