शहीद मन ल श्रद्धांजलि दे के लहुटे सीएम बघेल ह कहिन- पूरा तैयारी के संग देबो जवाब, एक चूक ले होइस बड़ा क्षति

जय जोहार रायपुर…. सुकमा म शहीद जवान मन ल श्रद्धांजलि दे के रायपुर लहुटे मुख्यमंत्री भूपेश बघेल ह मीडिया ले बातचीत म कहिन कि पूरा तैयारी के संग मैदान म जवान उतरही, फेर जवाब दे जाही। एक चूक के चलत बड़ा क्षति होए हे। जवान मन के शहादत ल नमन करत हुए वो हा कहिन कि आमने-सामने के लड़ाई म डट के जवान मन ह लड़े हे।

सीएम भूपेश बघेल ह कहिन कि बड़ा क्षति होए हे, लेकिन हमन ल जवान मन म गर्व हे। बहादुरी ले जवान मन ह नक्सली ले लड़िस। मुठभेड़ म नक्सली ल घलो क्षति पहुंचे हे। मुख्यमंत्री ह दावा करिस कि भारी संख्या म नक्सली घलो मारे गे हे। खबर आवत हे ओखर मुताबिक नक्सली मन ल घलो बड़ा क्षति होए हे, कुछु समय बाद लिस्ट ल जारी करे जाही।