Chhattisgarh: विधायक धर्मजीत सिंह ह कुंडा म तोड़फोड़ ले प्रभावित ले करिन मुलाकात, पढो पूरा खबर
जय जोहार…. (Chhattisgarh) ग्राम पंचायत कुंडा म 16 जनवरी के छोटे-छोटे ठेले, ठप्पर, फुटफाट अऊ स्थानीय व्यापारी मन के दुकान ल तोड़ दे गे रिहिन, जेखर प्रभावित ले विधायक धर्मजीत सिंह ह मुलाकात करे हे। उहचे व्यापारी मन के संग तोड़े गे दुकान ल देखे हे।
ए दौरान (Chhattisgarh) विधायक धर्मजीत सिंह अऊ सुरेंद्र सिंग छाबड़ा ल प्रभावित व्यापारी मन ह बताईस कि प्रशासन अऊ ग्राम पंचायत के तरफ ले बिना नोटिस के मकान अऊ दुकान ल तोड़ दे गे हे। एखर सती कोरोना काल म जीवन यापन के समस्या खड़े हो गे हे। जेमा विधायक धर्मजीत सिंह ह तुरंत कबीरधाम कलेक्टर ले फोन म बात करिन अऊ 23 तारिख के प्रभावित कुंडा व्यापारी मन के संग कलेक्टर से मुलाकात कर पीड़ित मन ल उचित सहयोग दिलाय के आश्वासन दिस।
ए अवसर म (Chhattisgarh) सुरेंद्र छाबड़ा, मुमताज अहमद, जनपद सदस्य अश्वनी यदु, जनपद सदस्य प्रशांत खांडे, नगर पंचायत अध्यक्ष प्रतिनिधि शिव गायकवाड, दिनेश पांडे, बलदाऊ रजक, ध्वजराम चंद्राकर, शेख सुलेमान, सुरेश चन्द्राकर, बबला रजक, रमेश सारथी, यासीन खान, विनोद रजक, मोनू तिवारी अऊ आन व्यापारी मन ह मौजूद रिहिन।
