देश म पहिली बार पेट्रोल ले महंगा हो गे डीजल, पढो पूरा खबर
जय जोहार…. देश के इतिहास म पहिली बार डीजल के दाम ह पेट्रोल के कीमत ल पीछे छोड़ दे हे। देश म सरलघा 18वें दिन तेल के कीमत म वृद्धि होय हे।
बुधवार के तेल के कीमत म कोनो बदलाव नई होय हे, लेकिन डीजल के दाम ह 48 पैसा बाढ़ गे हे। एखर संग दिल्ली म डीजल के कीमत ह पेट्रोल के मुकाबला 12 पैसा जियादा हो गे हे।
जानकारी के मुताबिक बुधवार के पेट्रोल के दाम म कोनो बदलाव देखे ल नई मिले हे। फिलहाल दिल्ली म एखर कीमत ह 79.76 रूपिया म बरकरार हे।
हालांकि डीजल के दाम म वृद्धि के बाद नवा रेट 79.88 रूपिया प्रति लीटर हे गे हे। ए इतिहास म पहिली बार हे, जब देश म पेट्रोल के कीमत ह डीजल के मुकाबला कम रह गिस। ए स्थिति ह सिरिफ दिल्ली म हे। देश के बाकी हिस्सा म अभी घलो पेट्रोल के मुकाबला डीजल के दाम ह कम हे।
दिल्ली म बाढ़ीस कीमत के एक कारण वैट घलो हे। दिल्ली सरकार ह लाकडाउन के दौरान डीजल म वैट के दर ल बढ़ा दे रिहिस।