निर्देशक अरुण यादव के निधन , मध्य प्रदेश समेत छत्तीसगढ़ के कला जगत म शोक के लहर

जय जोहार रायपुर… भोजपुरी फिलिम मिल गईली चंदनिया के मुख्य सहायक निर्देशक अरुण यादव के अचानक निधन हो गे , ये खबर सुन के कला जगत म शोक के लहर हे , बता दन की अरुण यादव ह मध्य प्रदेश , छत्तीसगढ़ के संगे संग मुंबई म घलो सक्रीय रिहिस , ईरा फिल्म्स के लगभग सब्बो प्रोजेक्ट म अरुण अहम भूमिका निभाय , निर्माता निर्देशक संतोष जैन ह  अरुण यादव के अचानक चले जाय ल अपन व्यक्तिगत क्षति किहिस अऊ किहिस कि खान पान ल ले के अपन स्वास्थ्य के प्रति अतना सजग रहैय्या अइसे कईसे जा सकते यकीन नई होवत हे,अरुण यादव ह जबलपुर म तिकड़मबाज नामक टी वी सीरियल ले अपन शुरुवात करे रिहिस अऊ लगातार भोपाल दूरदर्शन के साथ छत्तीसगढ़ी सिनेमा म निर्देशन करत रिहिस , अरुण यादव के निधन ले जम्मो कला जगत शोक म हे , अमित जैन , प्रभाकर बर्मन ,योगेन्द्र जोशी , भूपेन्द्र चंदनिया , सुरेश साहू ,चांदनी पारख , शोभिता श्रीवास्ताव ,दीपक बावनकर के संगे संग जम्मो इरा फिल्म्स परिवार अपन श्रधांजली अर्पित करे हे .