रायपुर. स्कूल मन म मध्यान्ह भोजन म अंडा परोसे के मामला ह तूल पकड़त नजर आवत हे। एखर असर विधानसभा सदन म घलोक देखे बर मिलिस। जईसे ही ये मामला ल सदन म उठीस तांहन सदन के माहौल ह गरमा गे अउ हंगामा मच गे, जेखर कारण सदन के कार्यवाही ल घलो रोके ल पड़ गिन।
जेसीसी जे विधायक धर्मजीत सिंह ह सदन म शून्यकाल म अंडा वितरण के मामला ल उठाइन हे। वोहर कहिन हे कि स्कूल म लइका मन ल अंडा देना जरूरी नई हे। वर्ग संघर्ष के स्थिति मत बनन दव। जिद्द ले राजनीति नई होवय। कबीर अउ गुरु घासीदास के धरती ल बचाना चाही। सरकार आज अंडा खाय ल काहत हे कल बर मांस खाय के निरदेश जारी कर दिही।
मोहन मरकाम ह कहिन कि सरकार ह अंडा के विकल्प रखे हे, जेला अंडा नहीं खाना हे ओकर मन बर दूध के बेवस्था घलो करे गे हे। एखर बाद सदन म हंगामा मच गे।
बीजेपी विधायक शिवरतन शर्मा ह कहिन कि राज्य म 35 लाख कबीरपंथी निवासरत हे। ये समाज म अंडा अउ मांसाहार प्रतिबंधित हे। समाज के भावना ल ध्यान म रखत उंखर मांग ल सुना जाना चाही।
Other Articles
अवैध रेत परिवहन करत 16 गाड़ी जब्त, एसडीएम ह करिन कार्रवाई
भाजपा ह चलाही सदस्यता अभियान, बनाही 11 लाख नवा सदस्य
No Comment! Be the first one.