Raipur: जिला पंचायत अध्यक्ष ह करिन पल्स पोलियो अभियान के सुरुआत, पढ़व पूरा खबर

जय जोहार…. (Raipur) जिला पंचायत अध्यक्ष डोमेश्वरी वर्मा ह लईका मन ल दो बूंद पोलियो के खुराक पिला के राष्ट्रीय सघन पल्स पोलियो अभियान के जिला स्तरीय सुभारंभ करिन।

मुख्य चिकित्सा अधिकारी रायपुर (Raipur) डॉ मीरा बघेल ह बताइस कि राष्ट्रीय सघन पल्स पोलिया अभियान ल 31 जनवरी ले 2 फरवरी तक आयोजित करे जाही। जेमा जिला के 3 लाख 42 हजार ले जादा लईका मन ल पल्स पोलियो के खुराक पिलाय के जिम्मेदारी राज्य ले दे गे हे।

जिला टीकाकरण अधिकारी रायपुर (Raipur) डॉ अनिल कुमार परसाई ह बताइस कि 31 जनवरी के बूथ अऊ 1 ले 2 फरवरी तक घर-घर जाके छुटे लईका मन ल पोलियो के खुराक दे जाही।