धमतरी। जिला म पुलिस परिवार मन के आंदोलन ल दबाय अउ खत्म करे बर पुलिस प्रशासन ह सख्त रूख अपन ले हे। पीएचक्यू ले मिले फ्री हैंड के बाद धमतरी एसपी ह जिला के 11 पुलिस कर्मी मन बर्खास्तगी के नोटिस भेज दिस हे। सबो 11 पुलिस कर्मी आरक्षक अउ प्रधान आरक्षक हे।
बता दन के ये 11 पुलिस वाला मन के दोष अतना हे कि इमन ह सोशल मीडिया म आंदोलन अउ अपन मांग मन ले जुड़े पोस्ट ल फॉर्वड करिन। पुलिस ह ये हरकत ल धारा-311 के उल्लंघन माने हे। अउ द्रोह करे के आरोप लगात हुए 7 दिन के भीतर म जवाब मांगे हे।
येती सूत्र मन के हवाले ले खबर ये घलो हे के नोटिस पावइया पुलिस कर्मी मन ह नोटिस के खिलाफ अदालत के दरवाजा खटखटाही।
