डॉक्टर एक फिलिम अनेक , इही कहानी हे अभिनेता अजय सहाय के

दीपक बावनकर@रायपुर लोगन मन के इलाज अऊ फिलिम म अभिनय ये दूनो जिनिस म महारथ हासिल हे हमर डॉक्टर साहब ल , डॉक्टरी करत करत अपन अभिनय के रूचि के कारन अजय सहाय ह अनेको फिलिम म छोटे बड़े किरदार निभा डारे हे , डॉक्टर साहब ह अभी तक कतको हिंदी ,छत्तीसगढ़ी अऊ भोजपुरी फिलिम म एक्टिंग कर डारे हे

अभी अजय सहाय ह गद्दार फिल्म म एक्टिंग करही ओमा वो ह पंडित के किरदार निभात हे ,गद्दार के शूटिंग जल्दी शुरू होने वाला हे एखर निर्देशक एजाज वारसी हरे , मल्टी स्टारर ये फिलिम म अजय सहाय के काफी लम्बा रोल हावे, एजाज प्रोडक्शन हाउस के लगभग सब्बो फिलिम म डॉक्टर अजय सहाय रहिथे