जगदलपुर. जिला के बस्तर ब्लॉक म आंगनबाड़ी ले घर लौटत एक पांच साल के मासूम उपर आवारा कुकुर मन के झुंड ह हमला कर दिस। घटना म कुकुर मन नोनी ल बुरी तरह ले नोच ले रहिन। ओखर कान ल बुरी तरह ले कुकुर मन नोच डरे हे संगे-संग सिर अऊ शरीर म घलो चोट आए हे। गंभीर हालत म नोनी ल रायपुर रिफर करे गे हे। बताए जात हे कि आवारा कुकुर मन के आतंक अतेक बढ़ गे हे कि अईसन घटना आए दिन के बात हे। उहें रैबीज के इंजेक्शन घलो अस्पताल म मउजूद नई रहेय।
बताए जात हे कि घटना बस्तर ब्लॉक के हहे अऊ पांच साल के नोनी आंगनबाड़ी ले पढ़के अपन घर लौटत रिहिस। इही दउरान बस्तर हाट के तीर म आवारा कुकुर मन के झुंड ह हमला कर दिस। हमला अतेक खतरनाक रिहिस कि नोनी के कान के एक हिस्सा शरीर ले अलग हो गे। कुकुर मन के हमला ले लहुलुहान नोनी ल आसपास के मनखे मन कोनों तरह ले छुड़ाईस। एखर बाद ओला मेडिकल कॉलेज डिमरापाल भेजे गिस। प्राथमिक इलाज के बाद नोनी ल बेहतर इलाज बर रायपुर रिफर करे गे हे।
No Comment! Be the first one.