CM Bhupesh Baghel ह करीन डॉ. खूबचंद बघेल स्कूल भवन विस्तार बर 50 लाख के घोसना
जय जोहार। सीएम भूपेश बघेल (CM Bhupesh Baghel) ह धरसींवा विधानसभा क्षेत्र के ग्राम माठ अउ चरोदा म जनता ले भेंट-मुलाकात करीन। एखर बाद सीएम ह संझा के धरसींवा रेस्ट हाउस म विभिन्न समाज अउ संगठन के प्रतिनिधिमंडल ले भेंट-मुलाकात करीन। ए दउरान मुख्यमंत्री ह सबो समाज के प्रतिनिधि ले ओखर मांग अउ स्थानीय समस्या के बारे म विस्तार ले चर्चा करीन ।
मुख्यमंत्री ह धरसींवा म डॉ. खूबचंद बघेल स्कूल भवन के विस्तार बर 50 लाख रुपिया स्वीकृत करे जाय के घोसना करीन । ये स्कूल कुर्मी समाज डहार ले संचालित हे । इंहा लगभग 1200 विद्यार्थी अध्ययन करत हे । ये स्कूल दो पाली म लगत हे। स्वामी आत्मानंद विद्यालय घलो इही स्कूल भवन म संचालित होत हे । विद्यार्थी मन के दर्ज संख्या के मान ले स्कूल के मौजूदा भवन छोटा पड़े के सेती ए स्कूल भवन के विस्तार बर रासि स्वीकृत करे जाय के आग्रह मनवा कुर्मी समाज ह मुख्यमंत्री ले भेंट-मुलाकात के दउरान करे रिहीन । मुख्यमंत्री ह धरसींवा के तीर बाराडेरा तालाब के सौंदर्यीकरण कराए जाय बर प्राक्कलन तईयार कराय के घलो निर्देस देहे ।
मुख्यमंत्री ले मुलाकात कर सिलयारी के यादव समाज ह छत्तीसगढ़ सासन के नरवा, गरवा, घुरवा, बाड़ी के संचालन बर मुख्यमंत्री भूपेश बघेल के आभार जताइन अउ किहीन कि एखर जरिए गांव के मनखे मन ल रोजगार अउ आय का नवा जरिया मिले ही । मुख्यमंत्री ह ए मउका म यादव समाज सिलयारी ल स्वेच्छानुदान मद ले 2 लाख रुपिया, साहू समाज के तहसील स्तर म मंगल भवन के निर्माण बर 25 लाख रुपिया के मंजूरी दीन।
