जय जोहार। सीएम भूपेश बघेल (CM Bhupesh Baghel) ह आज 23 जनवरी के बलौदाबाजार विधानसभा क्षेत्र अंतर्गत तिल्दा-नेवरा विकासखण्ड के ग्राम सरोरा अउ बलौदाबाजार विकासखण्ड के ग्राम पुरैना खपरी म आम जनता ले भेंट-मुलाकात कर मनखे मन ले बातचीत करही। ए दउरान सासन के योजना अउ कार्यक्रम के क्रियान्वयन के जमीनी हकीकत के बारे म जानकारी लेही ।
जारी दउरा कार्यक्रम के अनुसार सीएम भूपेश बघेल (CM Bhupesh Baghel) ह 23 जनवरी के पूर्वान्ह 11.30 बजे रायपुर ले हेलीकॉप्टर ले प्रस्थान कर 11.40 बजे ग्राम सरोरा पहुंचही। एखर बाद मुख्यमंत्री ह सरोरा म आम जनता ले भेंट-मुलाकात करे के बाद पुरैना खपरी म मंझनिया 2.35 बजे ले 4.15 बजे तक आम जनता से भेंट-मुलाकात करही। एखर बाद बलौदाबाजार जाही, उंहा 4.30 बजे गढ़कलेवा के उद्घाटन करही ।
सीएम भूपेश बघेल (CM Bhupesh Baghel) ह संझा 5.20 बजे कलेक्टर कार्यालय परिसर बलौदाबाजार म शहीद वीर नारायण सिंह के मूर्ति के अनावरण करही। एखर बाद उंहा विभिन्न समाज के प्रतिनिधि मंडल ले भेंट-मुलाकात करही । मुख्यमंत्री ह संझा 7 बजे बलौदाबाजार ले कार ले प्रस्थान कर 8.15 बजे रायपुर लहुट आही।
No Comment! Be the first one.