कानून के शिकंजे म फंस सकत हे डॉ. पुनीत गुप्ता

गोल बाजार थाना म दर्ज होइस एक अउ  FIR

रायपुर. छत्तीसगढ़ के पूर्व मुख्यमंत्री डॉ. रमन सिंह के दामाद डॉ. पुनीत गुप्ता के मुश्किल बढ़ गे हे. कानूनी शिकंजा म डॉ. पुनीत गुप्ता फंसत नजर आवत हे. डॉ. गुप्ता के खेलाफ एक अउ एफआईआर दर्ज कर ले गेहे. राजधानी रायपुर के गोलबाजार पुलिस थाना म एफआईआर दर्ज कराए गे हे. धोखाधड़ी अउ अनियमितता के मामला डॉ. गुप्ता उपर दर्ज करे गे हे. डीकेएस अस्पताल के अधीक्षक केके सहारे ह मामला दर्ज कराय हे.

बता देवन के, डॉ. पुनीत गुप्ता के खेलाफ बहुचर्चित अंतागढ़ टेप कांड मामला म पहिली ले एफआईआर दर्ज करे गे हे. अंतागढ़ टेप कांड मामला म नवां सिरा ले जांच बर सरकार ह एसआईटी के गठन करे हे. एसआईटी जांच के गठन होए
के बाद कांग्रेस नेत्री किरणमयी नायक ह मामला म एफआईआर दर्ज कराइस हे. ए मामला म जांच चलत हवय. अब एक अउ एफआईआर दर्ज कर ले गेहे हे. आरोप हे के डीकेएस अस्पताल म निरमान अउ मशीन खरीदे अउ भर्ती म करे गे हे. जब ए घटना ल अंजाम देय गिस. तब डॉ. गुप्ता उहां के अधीक्षक रहिन हे.

शासन के आदेश म FIR
पूर्व मुख्यमंत्री रमन सिंह के दामाद डॉ. पुनीत गुप्ता उपर FIR दर्ज करवाए के बाद डीकेएस अस्पताल के अधीक्षक के.के सहारे ह कहिन के, उमन ल शासन के कोती ले मिले आदेश मिलेरहिस हे, जेखर बाद उमन ये कदम उठाइस हे.