अब नाम कटवाए बर चक्कर लगात हवय दृष्टिबाधित दिव्यांग

नवनीत शुक्ला, मुंगेली. लोकसभा चुनाव नजदीक आ चुके हे, जेमा शिक्षक अउ अधिकारा मन ल चुनावी ड्यूटी घलो लगाए ऐ हे. चुनावी ड्यूटी म एक दृष्टिबाधित दिव्यांग शिक्षक के घलो पीठासीन अधिकारी के रुप म कलेक्टर ह ड्यूटी लगा दीस हवय. लेकिन वो ह दिव्यांग होए के वजह ले ए जुम्मेदारी ल निभाए म सक्षम नईए. अब वो अपन ए चुनावी ड्यूटी ले नाम कटवाए बर बड़का अधिकारी मन के चक्कर लगाए म मजबूर हवय, लेकिन ओला कोनो सुो बर तियार नइए..

दरसअल ये पूरा मामला मुंगेली जिला के लोरमी इलाका के हे. जिहां दादन कापा खेकतरा नाम ले हाईस्कूल के संचालन होवत हे. उहां दिव्यांग भूपेन्द्र कुमार ढीमर व्याख्याता के पद म पदस्थ हवय. भूपेंद्र ल कलेक्टर व जिला निर्वाचन अधिकारी ह एक लेटर भेजके उमन ल ये बात के जानकारी दीस के उंखर चुनावी ड्यूटी म पीठासीन अधिकारी के रुप लगे हवय.

य जानकर त उमन ल खुशी होइस, लेकिन अफसोस के वो ए काम ल बखूबी निभा नइ पाही. अब अधिकारी मन के लापरवाही के खामियाजा भुगतत दिव्यांग शिक्षक अपन नाम ड्यूटी ले कटवाए अधिकारी मन के चक्कर काटत हवय, के कोनो त उंखर सुन ले अउ उमन के नाम ए ड्यूटी ले काट देवय.