रायपुर. भारतीय जनता पार्टी के राष्ट्रीय उपाध्यक्ष अउ पूर्व मुख्यमंत्री डॉ. रमन सिंह ह अगस्ता वेस्टलैंड वीवीआईपी हेलिकॉप्टर मामला म आरोपी बिचौलिया के डायरी म आरजी नाम के बार-बार उल्लेख होय म निशाना साधिस हे. उमन सवाल करिन के, ये आरजी कउन हे?
डॉ. सिंह ह कहिन के, प्रवर्तन निदेशालय (ईडी) ह कोर्ट म बताइस हेके ये मामला के जांच के दउरान आरोपी बिचौलिया के डायरी म सन 2004 ले सन 2016 के बीच आरजी ल 50 करोड़ रुपिया दे के जिक्र हे. ये नाम डायरी म बार-बार आय हे.
कांग्रेस बतावय के, ये आरजी कउन हे? का गुप्त नाम के कांग्रेस अध्यक्ष राहुल गांधी ले कोनो कनेक्शन हे? पूर्व मुख्यमंत्री डॉ. सिंह ह कांग्रेस ले ये स्पष्ट कर ही के, सन् 2004 म 55 लाख के प्रॉपर्टी के मालिक राहुल गांधी के घोषित सम्पत्ति 10 बछर म 9 करोड़ कइसे हो गिस?
आय के कोनो बड़का स्रोत के बिना राहुल गांधी आलीशान जिंदगी जीवत हे, विदेश मन म छुट्टी मनावत हे. कांग्रेस स्पष्ट करे के, येखर सेती का राहुल गांधी कारोबार ह रातों-रात अमीर बने के चाह रखइया के संग गुपचुप सउदा करत रहिथे?
भाजपा राष्ट्रीय उपाध्यक्ष डॉ. सिंह ह प्रदेश के मुख्यमंत्री उपर कटाक्ष करत हे के, जरा उमन ये आरजी के खोज घलो कर लेवय. चुनावी स्वार्थ के वसीभूत प्रदेश के मुख्यमंत्री जे तरह बदलापुर के राजनीति म आमादा हे, उमन प्रदेस के जनता के साफ करना चाही के ये आरजी कउन हे? भूपेश चाहे त येखर बर घलो एकाध एसआईटी गठित कर लेवय.
