रमन सिंह 15 साल करिस राज, कतना सहायता राशि दिस, पूछत हे कांग्रेस
जय जोहार रायपुर…. छत्तीसगढ़ प्रदेश कांग्रेस कमेटी के प्रवक्ता विकास तिवारी ह भाजपा के राष्ट्रीय उपाध्यक्ष अऊ पूर्व मुख्यमंत्री डॉ. रमन सिंह ले केहे हे कि छत्तीसगढ़ के करीब एक लाख मजदूर मन ह 15 राज्य अऊ केंद्र शासित प्रदेश मन म फंसे हे। जेमा उत्तरप्रदेश, कर्नाटक, तमिलनाडु, उत्तराखंड, दि्ल्ली, जम्मू-कश्मीर, हरियाणा, गुजरात, मध्यप्रदेश म ज्यादा मजदूर हे। एमा ले अधिकतर राज्य मन म भाजपा के सरकार हे।
प्रवक्ता विकास तिवारी ह कहिन कि मुख्यमंत्री भूपेश बघेल के सरकार ह मजदूर मन के संपर्क म हे अऊ हजारों मजदूर मन ल चिन्हित कर ओ मन ल भोजन, राशन के व्यवस्था करवात हे। भाजपा के पूर्व मुख्यमंत्री डॉ. रमन सिंह के घलो चिंता ल जायज ठहरात हुए वो हा कहिन कि केंद्र म भाजपा के नरेंद्र मोदी सरकार हे अऊ सरलघा पीएम केयर म हजारों करोड़ दान राशि प्राप्त होवत हे, त दिल्ली ले ही तत्काल छत्तीसगढ़ राज्य के एक लाख मजदूर मन जेन 15 राज्य मन म फंसे हे, ओखर जनधन खाता मन म तत्काल दस हजार रूपिया के सहायता राशि ल ट्रांसफर करवाना चाही अऊ उन राज्य मन म भाजपा के सरकार हे अऊ डॉ. रमन सिंह राष्ट्रीय उपाध्यक्ष जैसा बड़ा पद म विद्यमान हे।
प्रवक्ता विकास तिवारी ह कहिन कि भाजपा के राष्ट्रीय उपाध्यक्ष अऊ पूर्व मुख्यमंत्री डॉ. रमन सिंह जेन खुद राजनांदगांव ले विधायक हे अऊ सरलघा 15 साल ले प्रदेश के मुख्यमंत्री रहिस। ओखर जवाबदारी ज्यादा बनत हे। वो अधिक ले अधिक राशि मुख्यमंत्री राहत कोष म दान करे।
