लॉक डाउन बाढ़े ले बाढ़ीस गुटखा प्रेमी मन के मुश्किल, राजश्री अऊ विमल के बदलिस सुर, पांच के मिलत हे पंद्रह म

जय जोहार रायपुर…. लॉकडाउन बढ़े ल जिहां प्रशासन ह कोरोना वायरस ले लड़े म दूसर कदम केहे हे। ऊहचे लॉकडाउन के दिन ह गुटखा प्रेमी मन के मुश्किल ल अऊ बढ़ा दे हे। जब पहिला लॉकडाउन 21 दिन के होए रहिस, तब राजश्री अऊ विमल गुटखा के कीमत ह पांच रूपिया ले बढ़त-बढ़त बारह रूपिया तक पहुंच गे रहिस। अब राजश्री अऊ विमल गुटखा ह प्रति पाउच 15 रूपिया म मिलत हे। अब दूसर लॉकडाउन ह खत्म होत तक एखर कीमत ह प्रति पाउच अऊ बढ़ही त कोनो बड़े बात नई होही। बता देन के राज्य म गुटखा के खपत अत्याधिक हे अऊ ओखर चपेट म युवा, बच्चा अऊ महिला मन घलो गिरफ्त म हे।

गौरतलब हे कि सरकार ह राज्य म जर्दा युक्त गुटखा के बिक्री म प्रतिबंध लगा दे हे, लेकिन इहां के व्यापारी मन ह कई साल ले गुटखा के व्यापार करत हे। क्योंकि अब व्यापारी मन ह जर्दा अऊ सादा गुटखा ल अलग-अलग बेचत हे।