डॉ. रमन सिंह ने मुख्यमंत्री भूपेश बघेल ल लिखिन पत्र

जय जोहार…. भाजपा के राष्ट्रीय उपाध्यक्ष अऊ पूर्व मुख्यमंत्री डॉ. रमन सिंह ह मुख्यमंत्री भूपेश बघेल ल पत्र लिखे हे। ए पत्र म परीक्षा लेने के बाद घलो शिक्षक मन के भर्ती नई करे जाय के बात केहे हे। वो हा भर्ती प्रक्रिया ल जल्द सुरू करने के मांग करे हे।

पत्र म केहे गे हे कि छत्तीसगढ़ प्रशिक्षित डीएड अऊ बीएड संघ के प्रतिनिधिमंडल ह ज्ञापन प्रस्तुत कर निवेदन करे हे कि नियमित शिक्षक भर्ती 2019 के विज्ञापन ह 9 मार्च 2019 के जारी होय रहिस। जेखर खाती व्याख्याता, शिक्षक, सहायक शिक्षक, व्यायाम शिक्षक अऊ सहायक शिक्षक (प्रयोगशाला) के कुल 14580 पद म भर्ती होही। ए चयन प्रक्रिया के परिणाम ह जारी हो चुके हे, लेकिन सत्यापन के प्रक्रिया ह विगत 5-6 माह ले चलत हे, जेन अभी तक पूर्ण नई होय हे।

अइसने व्याख्याता के भर्ती संबंधी सब्बो कार्यवाही के बाद घलो न अंतिम निराकरण सूची, चयन सूची या नियुक्ति आदेश जारी जारी करे गे हे अऊ न ही कोनो भी संवर्ग के प्रथम पात्र-अपात्र के सूची जारी होय हे, एखर ले शिक्षक भर्ती के सब्बो चयनित युवा अभ्यर्थी ह मानसिक रूप ले प्रताड़ित महसूस करत हे।