mahasamund : दसवीं बोर्ड म प्रदेस म 9 वां स्थान हासिल करइया पूजा सिन्हा के डॉ. सम्पत अग्रवाल ह करीन हे सम्मान

जय जोहार। (mahasamund) दसवीं बोर्ड परीक्षा म प्रदेस म 9 वां स्थान प्राप्त करे म बसना विधानसभा क्षेत्र के मान ल बढ़इया पूजा सिन्हा के गृह निवास पहुंचके नीलांचल सेवा समिति के संस्थापक अउ नगर पंचायत पूर्व अध्यक्ष डॉ. सम्पत अग्रवाल ह पुष्पगुच्छ, वस्त्र परिधान के संग मिठाई खिलाके बधाई दीन । संगेसंग वो हा नीलांचल रत्न ले सम्मानित कर ओखर उज्जवल भविष्य के मंगलकामना करीन ।

डॉ.सम्पत अग्रवाल ह किहीन कि जीवन म उन्नति अउ विकास बर शिक्षा महत्वपूर्ण भूमिका ल निभावत हे। (mahasamund) शिक्षा के बगैर मानव जीवन ह अधूरा हे। समाज अउ शिक्षा के सही उपयोग ह व्यक्ति ल सफल बनात हे । शिक्षा ह सबले शक्तिशाली हथियार हे । सफलता पाय बर सबले पहले ये विश्वास ल करे ल होही कि मेहा ये कर सकत हों। शिक्षा ले संस्कार अउ संस्कार ले सम्मान मिलत हे ।

बता देन कि नीलांचल सेवा समिति खुशरुपाली ग्राम के सक्रिय सदस्य भेखराम-चंद्रिका सिन्हा के पुत्री पूजा सिन्हा है। जेन ह शहीद प्रमोद कुमार पटेल शासकीय उच्चतर माध्यमिक विद्यालय गड़बेड़ा म 10 वीं कक्षा के पढ़ाई कर बसना विधानसभा के मान ल बढ़ाइन हे ।

(mahasamund) ए दउरान पिथौरा प्रभारी विक्की सलूजा, सह प्रभारी कोमल मोहंती, सेक्टर प्रभारी चमन सेन, सह प्रभारी डोला मणि प्रधान, डीगराम सिन्हा, हलधर सिन्हा, उदय चंद बरिहा, धर्मेंद्र दीवान, योगेश कुमार यादव, राहुल अग्रवाल, काशीराम, यमुना सेन, मेघ सिंग यादव, छत्रपति यादव, भोगसिंग ठाकुर, पुरुषोत्तम ठाकुर, नीलांचल मुख्यालय प्रभारी शीत गुप्ता,नीलांचल मीडिया सलाहकार जर्नलिस्ट प्रकाश सिन्हा समेत क्षेत्र वासी मन ह बधाई अउ सुभकामना देके पूजा सिन्हा के उज्जवल भविष्य के कामना करीन हे ।