शराब के नशा म धुत युवक मन करिस डॉक्टर ले मारपीट, दू गिरफ्तार

जांजगीर-चांपा। जिला अस्पताल म डॉक्टर ले मारपीट करे के मामला आघू आए हे। ये घटना म डॉक्टर ल चोटे घलो लगे हे। पुलिस ह दू युवक ल गिरफ्तार करिन हे।

बताए जाथ हे कि घटना म लगभग आधा दर्जन युवक सामिल रहिस, जेन मन अपन एक झन संगवारी ल इलाज बर जिला अस्पताल लाए रिहिस। इही दउरान नशा म धुत युवक मन ह अस्पताल म हंगामा करत रिहिन, जेकर बाद रात के ड्यूटी म मौजूद डॉक्टर एनके ध्रुव ह युवक मन के विरोध करिस। ताहन युवक मन ह डॉक्टर ले गालीगलौच करत मारपीट करिस हे। घटना के जानकारी पुलिस ल दे के बाद मौका म पहुंच के पुलिस ह दू झन युवक ल हिरासत म लिन हे। उंहे उंखर सहयोगी अन्य हमलावर संगवारी मन मौका ले फरार हो गे, जेकर तलास पुलिस ह करत हे।