जय जोहार…. स्कूल शिक्षा विभाग ह प्रदेस (chhattisgarh) के सबो असासकीय गैर अनुदान प्राप्त विद्यालय के विद्याथीं मन बर मुफत पाठ्य पुस्तक ल छत्तीसगढ़ पाठ्य पुस्तक निगम डहार ले सीधा डिपो से वितरित करे के निर्देस देहे। शिक्षा सत्र 2021-22 बर असासकीय विद्यालय ल कक्षा पहली से दसवीं तक हिंदी अउ अंग्रेजी माध्यम के पाठ्य पुस्तक के वितरण ल छत्तीसगढ़ पाठ्य पुस्तक निगम के 6 स्थायी पुस्तक भण्डार रायपुर, राजनांदगांव, जगदलपुर, बिलासपुर, रायगढ़ अउ अंबिकापुर ले करे जाही।
पाठ्य पुस्तक के वितरण ल रविवार अउ आन सासकीय अवकास के दिन म घलो होही। (chhattisgarh) तय समय-सारणी के अनुसार पाठ्य पुस्तक निगम के डिपो ले जिला के विकासखण्ड म स्कूल ल पुस्तक वितरण करे के काम 21 जुलाई ले सुरु करे के निर्देस दे गेहे।
स्कूल शिक्षा विभाग ह असासकीय स्कूल ल पुस्तक उपलब्ध कराय के विकासखण्ड वार कार्ययोजना, डिपो प्रभारी के नाव अउ मोबाइल नंबर के जानकारी ल संभागीय संयुक्त संचालक अउ जिला शिक्षा अधिकारी मन ल उपलब्ध करा दे गेहे। (chhattisgarh) कार्ययोजना के अनुसार निर्धारित तारीख म यदि कोनो असासकीय विद्यालय ह पाठ्य पुस्तक प्राप्त करे ल संबंधित डिपो म उपस्थित नई होवत हे, त अइसे स्थिति म ओ विद्यालय या विद्यालय ल कार्ययोजना पूरा होय के बाद तिथि तय कर अलग ले सूचित करे जाही।
