प्रयास अउ एकलव्य आवासीय विद्यालय म प्रवेश परीक्षा ह हो गे स्थगित

जय जोहार…. प्रदेश म आदिम जाति अउ अनुसूचित जाति विकास विभाग के तरफ ले संचालित प्रयास अउ आवासीय विद्यालय म 14 अउ 16 जुलाई के आयोजित होवइया प्रवेश परीक्षा ल स्थगित कर दे गे हे।
आदिम जाति अउ अनुसूचित जाति विकास विभाग के अधिकारी मन ह बताइस कि प्रवेश परीक्षा के अवइया तारीख ह तय होय म अलग ले एखर सूचना ल दे जाही।
बता देन कि प्रयास आवासीय विद्यालय म कक्षा नवमी म प्रवेश बर 14 जुलाई अउ एकलव्य आदर्श आवासीय विद्यालय म कक्षा नवमी बर 16 जुलाई के परीक्षा आयोजित होवइया रिहिस। प्रवेश परीक्षा ल अवइया आदेश तक स्थगित कर दे गे हे।