घर म दे जाही कुर्बानी अऊ नई होही ईदगाह म नमाज , लेकिन सादगी ले मनही ईद उल जुहा

जय जोहार रायपुर… कोविड १९ ह जब ले आक्रमक होय हे तब ले आम जन जीवन खासा प्रभावित होय हे अऊ तो अऊ एखर ले तीज त्यौहार म घलो असर पड़े हे , चाहे वो रक्षाबंधन हो या ईद उल जुहा , सब ल हिदायत दे गे हे कि घर म ही त्यौहार संपन्न करे जाय, .

ईद बर मुस्लिम समाज के मनखे अऊ प्रशासन के बीच बैठक म ये निर्णय होए हे कि कुर्बानी के ये त्यौहार बहुत सादगी पूर्वक मनाय जाही , घर म ही कुर्बानी दे के आसपास तकसीम के रस्म पूरा होही, अऊ घर म ही रह के नमाज अदा करे जाही,

बैठक म सलाम रिज़वी,  फैजल रिज़वी, बैजनाथपारा मदरसा के मौलाना मोहम्मद अली फारूकी,  मस्जिद के मुतवल्ली अऊ  नगर निगम के मुस्लिम पार्षद उपस्थित रिहिन. ये दिशा निर्देश छत्तीसगढ़ राज्य वक़्फ़ बोर्ड द्वारा छत्तीसगढ़ प्रदेश के समस्त मस्जिदों, ईदगाह, मदरसों के लिए जारी किये गए हैं।