आठ नक्सली मन करिस आत्मसमर्पण, दू झन 8-8 लाख रूपिया के इनामी
सुकमा। नक्सल प्रभावित इलाका सुकमा म 8 झन नक्सली मन ह आत्मसमर्पण करिस हे। एमा दू नक्सली ऊपर 8-8 लाख रूपिया अउ दू अन्य नक्सली ऊपर 1-1 लाख रूपिया के इनाम घोषित हे।
पुलिस अधिकारी मन बतईन कि राज्य सासन के पुनर्वास योजना ले प्रभावित होके अउ खोखली माओवादी विचारधारा अउ उंखर शोषण, अत्याचार, भेदभाव, हिंसा ले तंग आके ये नक्सली मन ह आत्मसपर्मण करिस हे।
आत्मसमर्पण करईया 8 नक्सली मन म वेट्टी पाली पिता गंगा (25 साल) अउ कोमराम सम्मी पिता रामकृष्णा निवासी किस्टाराम क्षेत्र, पोडियम टिंकू उर्फ मंगडू पिता स्व. देवा (45 साल) निवासी पोलमपल्ली, रवा भीमा पिता भीमा निवासी गादीरास क्षेत्र, पोडियम केशा पिता हिड़मा (21 साल) निवासी फुलबगड़ी क्षेत्र, सोयम मुत्ता पिता स्व. जोगा (32 साल) निवासी एर्राबोर क्षेत्र, उईका बुधरा पिता सन्नू (20 साल) निवासी जगरगुंडा क्षेत्र, मुचाकी रामा पिता भीमा (26 साल) निवासी जगरगुंडा इलाका के रहवईया हरे।
ये नक्सली मन ह योज्ञान सिंह, उप महानिरीक्षक (परि.) सीआरपीएफ, शलभ सिन्हा, पुलिस अधीक्षक सुकमा, उदय किरण, अति, पलिस अधीक्षक सकमा. टाशी ज्ञालिक, कमांडेण्ट 2 वाहिनी सीआरपीएफ, नवीन राणा, आईसी 2 वाहिनी सीआरपीएफ एवं अचलाराम, आईसी 219 वाहिनी सीआरपीएफ के आघू म बिना हथियार के आत्मसमर्पण करिस हे। ये सब्बो झन ल छत्तीसगढ़ सासन के राहत अउ पुनर्वास योजना के तहत नियमानुसार सहायता दे जाही।
