Marwahi by-election : आज शाम ले थम जाही चुनाव प्रचार, 3 नवंबर के होही मतदान

जय जोहार….. (Marwahi by-election) मरवाही विधानसभा चुनाव बर तीन नवंबर को होवइया मतदान के पूर्व प्रचार के काम ह आज शाम थम जाही। बाहरी कार्यकर्ता अऊ प्रचारक मन ल मरवाही विधानसभा क्षेत्र ल छोड़े के निर्देश जारी करे गे हे।

मुख्य निर्वाचन पदाधिकारी रीना बाबा साहेब कंगाले ह बताइस कि मतदान समाप्ति के 48 घंटा पूर्व प्रचार के काम ह आज शाम 6 बज थम जाही।
प्रचार के काम सार्वजनिक मंच अऊ सभा ले नई करे जा सकही। (Marwahi by-election) अभ्यर्थी ह घर-घर जा के व्यक्तिगत प्रचार कर सकही। मरवाही उप निर्वाचन बर 3 नवंबर के बिहनिया 8 बज ले शाम 6 बजे तक मतदान कर सकही।

एक लाख 90 हजार 907 मतदान वाला ( Marwahi by-election) ए विधानसभा क्षेत्र म मतदाता मन के सुगम मतदान बर 286 मतदान केंद्र बनाय गे हे। एमा ले 237 मूल मतदान केंद्र अऊ 49 सहायक मतदान केंद्र बनाय गे हे।