Chhollywood: मनमोहक अऊ पारंपरिक एल्बम ‘अरपा पैरी के धार’ हो गे रिलीज, जीतत हे लोगन मन के दिल
जय जोहार….. (Chhollywood) कुरुद नगर के अधिवक्ता श्यामशंकर चन्द्राकर अऊ जय जोहार मीडिया के ओमप्रकाश चन्द्राकर के तरफ ले निर्मित मनमोहक अऊ पारंपरिक एल्बम अरपा पैरी के धार गीत ह रिलीज हो गे हे।
ए गाना ह यू ट्यूब चेनल म लोगन मन के दिल जीतत हे। कुछु ही घंटा म अपलोड होय के बाद ये गाना ह काफी लोकप्रिय घलो हो गे हे। ए गाना ल धमतरी जिला के आसपास अऊ बालोद के ओन्हाकोन्हा इलाका म शूट करे गे हे।
ये गाना डॉ. नरेंद्र देव द्वारा रचिव मूल रचना ले आधारित हे। एमा नवा तरीका ले संगीत ल पिरोया गे हे। (Chhollywood) गाना म संगीत अऊ स्वर छत्तीसगढ़ी लोक गायक घनश्याम महानंद के हे। जेखर सहयोग मशहूर गायक अनुपमा मिश्रा ह अपन सुमधुर आवाज से करे हे।
एमा अभिनय पिछिले कई महिना ले सुरता, संगी रे अऊ अंग्रेजी म लव जइसे एलबम ले अफन अलग पहचान बनइया कुरुद के कलाकार श्यामशंकर चंद्राकर ह मनमोहक प्रस्तुति ले दर्ज करे हे। (Chhollywood) उहचे अंजली ठाकुर ह घलो ए गीत ल लोक पारंपरिक अंदाज म पेश कर सबके दिल जीत ले हे। कोरियाग्राफी नितेश लहरी अऊ वीडियोग्राफी अरविंद सोनवानी के हे। युवा गीतकार चंपेश्वर गिरी गोस्वामी अऊ अर्धेन्द्रु मुखर्जी समेत आन लोग मन ह ए प्रोडक्शन टीम म शामिल रिहिन।
