Chhattisgarh : प्रवासी श्रमिक मन ल रोजगार दिलाय बर सब्बो जिला म आयोजित होही रोजगार कैम्प
जय जोहार…. लॉकडाउन के बाद छत्तीसगढ़ (chhattisgarh) वापस लहुटे प्रवासी श्रमिक मन ल ओखर कौशल के अनुसार रोजगार उपलब्ध कराय बर प्रदेश के सब्बो जिला म रोजगार कैम्प के आयोजन करे जाही।
लॉकडाउन ले उत्पन्न परिस्थिति ले जिला म अलग-अलग उद्योग, फर्मों अउ संस्थान म काम करइया कुशल अउ अकुशल श्रमिक मन के संख्या म कमी के जानकारी ल एकत्र करे जावत हे।
(chhattisgarh) राज्य सरकार के उद्योग अउ श्रम विभाग, व्यावसायिक संगठन ले समन्वय कर अलग-अलग उद्योग अउ संस्थान ले मिले जानकारी के आधार म जिला म प्रवासी श्रमिक मन बर रोजगार कैम्प के आयोजन करे जाही।
इहां श्रमिक मन के कौशल के अनुसार ओ मन ल रोजगार उपलब्ध कराय जाही। छत्तीसगढ़ (chhattisgarh) राज्य कौशल विकास प्राधिकरण अउ राज्य परियोजना लाईवलीहुड कालेज सोसाइटी के उप मुख्य कार्यपालन अधिकारी के तरफ ले जिला म प्रवासी श्रमिक मन बर रोजगार कैंप के आयोजन अउ प्रक्रिया के संबंध म सब्बो जिला के कौशल विकास नोडल अधिकारी मन ल विस्तार ले दिशा-निर्देश जारी करे गे हे।
