Dantewada के लाइवलीहुड कॉलेज म लगही 17 मार्च के रोजगार मेला, 755 पद म होही भर्ती

जय जोहार। जिला कौशल विकास प्राधिकरण अउ जिला रोजगार -स्वरोजगार मार्गदर्शन केन्द्र दंतेवाड़ा (Dantewada) के संयुक्त तत्वाधान म संकल्प योजना के तहत जिला म 17 मार्च के बिहनिया 10 बजे ले लाइवलीहुड कॉलेज दंतेवाड़ा म रोजगार मेला के आयोजन करे जाही।

रोजगार मेला म सिक्योरिटी गॉर्ड, कम्प्यूटर ऑपरेटर, मोटर मैकेनिक, सुपरवाईजर, वेल्डर, सेल्समेन, वेटर आदि के 755 रिक्त पद म भर्ती बर नियोजक उपस्थित होही । अनुमानित वेतन अउ पद के जादा जानकारी बर संयुक्त जिला कार्यालय भवन परिसर दंतेवाड़ा अउ लाइवलीहुड कॉलेज दंतेवाड़ा के सूचना पटल के अवलोकन करे जा सकत हे ।

इच्छुक आवेदक अउ आवेदिका ह बिहनिया 10 ले संझा 4 बजे तक निर्धारित स्थल पर म सबो शैक्षणिक दस्तावेज के मूल प्रति, एक सेट छायाप्रति, एक पासपोर्ट साईज फोटोग्राफ समेत उपस्थित हो सकत हे ।