chhattisgarh : 12 ले 15 लाख नवा रोजगार के अवसर के सृजन बर छत्तीसगढ़ म गठित होही ‘रोजगार मिशन’
जय जोहार…. छत्तीसगढ़ (chhattisgarh) म अवइया पांच बच्छर म 12 ले 15 लाख नवा रोजगार के अवसर ल सृजन करे बर राज्य सरकार ह मुख्यमंत्री भूपेश बघेल के अध्यक्षता वाला छत्तीसगढ़ रोजगार मिशन के गठन के निर्णय लेहे। मुख्य सचिव अमिताभ जैन ह एखर इसके उपाध्यक्ष अउ प्रमुख सचिव आलोक शुक्ला मिशन के मुख्य कार्यपालन अधिकारी होही। लघु वनोपज संघ के प्रबंध संचालक समेत आने आने वरिष्ठ अधिकारी एखर सदस्य होही ।
(chhattisgarh) राज्य म विगत 3 बच्छर म सबो जिला म रोजगार ल बढ़ावा दे के उद्देश्य ले कई ठीन अभिनव कारीकरम ल आरंभ करे गेहे, जेखर ले बड़का संख्या म रोजगार के स्थायी अवसर के सृजन होय हे अउ मनखे मन के आय अउ जीवन स्तर म सुधार होय हे। छत्तीसगढ़ हर्बल्स के पहल के संग ही गोधन न्याय मिशन, टी-कॉफी बोर्ड, मछलीपालन अउ लाख उत्पादन ल कृषि के दर्जा, रूरल इंडस्ट्रियल पार्क, मिलेट मिशन अउ वाणिज्यिक वृक्षारोपण जैसे कारीकरम के प्रभावी क्रियान्वयन ले राज्य म रोजगार के नवा अवसरों के सृजन के असीमित संभावना हे ।
मिशन के माध्यम ले नगरीय अउ ग्रामीण क्षेत्र म संचालित कौशल विकास कारीकरम के संग ए नवा कारीकरम के समन्वय स्थापित करे जाही। संगेसंग (chhattisgarh) राज्य म स्थित आईआईटी., ट्रिपल आई.टी. आई.आई.एम.,एन.आई.टी. जइसे आन संस्थान के विशेषज्ञता के रोजगार के नवा अवसर के सृजन म लाभ ले जाही ।
