कर्ज माफी के फैइसला से किसान मन के चेहरा म लौटिस रौनक, मुख्यमंत्री के जतइस हे आभार

कांकेर, रायपुर। राज्य म कांग्रेस के सरकार बने हे तब ले मुख्यमंत्री भूपेश बघेल ह छत्तीसगढ़ के किसान मन के हित म कदम उठाय बर शुरू कर  दे हे, इही में से एक ठन हे खेती किसानी के बुता करे बर जेन कर्जा ले हे ओला माफ करे के। भूपेश सरकार के ये के फैइसला ले किसान मन ह खुश हे अऊ ओखर मन के चेहरा म रौनक दिखत हे। किसान मन बर मुख्यमंत्री के ये के फैइसला ह अंधियार म अंजोर दिखाने वाला साबित होवत हे। चुनई के पहिली कांग्रेस ह अपन घोषणा पत्र में कर्जा ल माफ करे बर जिक्र करे रिहिस हे। छत्तीसगढ़ के जनता मन ह इही आशा म कांग्रेस ल चुनिस हे अऊ बहुमत से कांग्रेस ह अपन सरकार बनाइस। किसान मन ह कर्जा ल माफ करे से अब्बड खुश हे। येखर बर ओ मन ह भूपेश सरकार के आभार जताय हे, अऊ किसान मन ह काहत रिहिस हे कि कर्जा ह माफ होइस से ओखर से ह मनला राहत मिले हे। जेन पैसा ल हमन ह बैंक में पटातेन अब ऊही पैसा ल खेती-किसान के बुता म लगाबो।