जय जोहार…. इंदिरा गांधी कृषि विश्वविद्यालय के प्रशासनिक भवन के सभाकक्ष म तकनीकी स्टाफ एसोसिएशन के तरफ ले विदाई समारोह के आयोजन करे गे हे। ए समारोह के अध्यक्षता कुलपति डॉ. एसके पाटिल ह करिन। ए अवसर म विश्वविद्यालय के अलग-अलग विभाग ले सेवानिवृत्त पांच प्राध्यापक मन ल विदाई दे गिस। ए दौरान कुलपति डॉ. पाटिल ह शॉल, श्रीफल अउ अभिनंदन पत्र दे के ओखर सम्मान करिन।
ए अवसर म स्वामी विवेकानन्द कृषि अभियांत्रिकी महाविद्यालय म फार्म मशीनरी अउ पॉवर विभाग ले सेवानिवृत्त प्राध्यापक डॉ बीपी मिश्रा अउ डॉ मोहम्मद कासिम, कृषि महाविद्यालय रायपुर म कीट विज्ञान विभाग ले सेवानिवृत्त प्राध्यापक डॉ. राजीव गुप्ता, सस्य विज्ञान विभाग ले सेवानिवृत्त प्राध्यापक डॉ. सीताराम पटले एवं प्राध्यापक डॉ. जेएस उरकुरकर ल विदाई दे गे हे।
ए अवसर पर संचालक अनुसंधान डॉ. आरके बाजपेयी, निदेशक विस्तार डॉ. एस.सी. मुखर्जी, कृषि महाविद्यालय, रायपुर के अधिष्ठाता डॉ. एसएस राव, कृषि अभियांत्रिकी महाविद्यालय, रायपुर के अधिष्ठाता डॉ. एमपी त्रिपाठी, अधिष्ठाता छात्र कल्याण डॉ. जीके श्रीवास्तव अउ तकनीकी स्टाफ एसोसिएशन के स्थानीय इकाई के अध्यक्ष डॉ. संजय शर्मा, उपाध्यक्ष डॉ. बीपी कतलम, महासचिव डॉ. गजेन्द्र चन्द्राकर अउ कोषाध्यक्ष डॉ. यमन देवांगन, केन्द्रीय इकाई के उपाध्यक्ष डॉ. पीके सांगोड़े अउ महासचिव डॉ. जीपी बंजारा उपस्थित रिहिस।
