करजा माफी अऊ समर्थन मूल्य के प्रमान पत्र मिले म किसान मन ह हाथ उठाके व्यक्त करिन अपन खुशी

रायपुर। राजधानी रायपुर के अटल नगर म आयोजित किसान आभार सम्मेलन म मुख्य अतिथि सांसद राहुल गांधी ह मुख्यमंत्री भूपेश बघेल अऊ आन मंत्रिगन मन के उपस्थिति म किसान मन ल किसानी करजा माफी प्रमाण पत्र के वितरन करे गिस। येखर पहिली राहुल गांधी के छत्तीसगढ़ आगमन म मुख्यमंत्री बघेल ह रायपुर के स्वामी विवेकानंद एयरपोर्ट म आत्मीय स्वागत करिन।

कांग्रेस अध्यक्ष राहुल गांधी ले करजा माफी अऊ समर्थन मूल्य के प्रमान पत्र मिले म किसान राहुल अऊ मुख्यमंत्री बघेल के हाथ उठाके अपन खुशी व्यक्त करिन। उहें कार्यक्रम के मंच म मुख्य अतिथि राहुल गांधी के मुख्यमंत्री भूपेश बघेल अऊ मंत्रिमंडल के सदस्य मन ह एक संग स्वागत करिन।