कोयला के व्यावसायिक खनन के किसान संगठन ह करिन विरोध

जय जोहार…. कोयला खदान के व्यावसायिक खनन बर अनुमति दे जाय के मोदी सरकार के फइसला के खिलाफ आज प्रदेश के 25 किसान संगठन ह देशव्यापी विरोध प्रदर्शन करे हे।

किसान संगठन ह कहिन कि निजीकरण म छत्तीसगढ़ के 9 कोयला खदान घलो शामिल हे, जेमा विचार कर झारखण्ड सरकार के तहत छत्तीसगढ़ सरकार घलो कोर्ट म आपत्ति दर्ज करे।
किसान संगठन के अध्यक्ष संजय पराते ह बताइस कि किसान मन के 25 ले जियादा संगठन ह ए प्रदर्शन म शामिल हे। देश के सार्वजनिक संपत्ति ल बेचे ल ले के केंद्र सरकार के जेन नीति हे, वो नीति हमर मन के देश ल आर्थिक गुलामी के ओर ले जाही।

ए नीति के खिलाफ देश के किसान आदिवासी ह एक देश शक्ति पूर्ण संघर्ष ल चलावत हे। कोल इण्डिया ह देश के नवरत्न कम्पनी म ले एक हे। पिछिले साल कोल इण्डिया ह 53 हजार करोड़ रूपिया ले जियादा केन्द्र के खजाना म जमा करे हे।

संगेसंग 17 हजार करोड़ रूपिया ले जियादा के मुनाफा ल कमाय हे, लेकिन चार लाख लोगन मन ल रोजगार देवइया कंपनी के निजीकरण के मुहिम छेड़े जावत हे।