जय जोहार। (Raipur) तमिलनाडु प्रदेस के तंजावुर जिला के 14 किसान के प्रतिनिधि ह सर्किट हाउस गरियाबंद म मुख्यमंत्री ले सौजन्य मुलाकात करीन । वोहा अपन संग नारियल के पौधा अउ पांच प्रकार के जैविक धान के प्रजाति मुख्यमंत्री ल भेंट करीन ।
(Raipur) दल के प्रमुख सुंदर विमल ह बताइन कि तंजावुर के कावेरी नदी किसान उत्पादन संगठन के 14 सदस्य ह छत्तीसगढ़ सरकार के किसान हितैषी नीति ले प्रभावित होके ओखर ले मिले ल आए हे । वो हा बताइन कि छत्तीसगढ़ म धान खरीदी ले किसान मन ल सबले जादा लाभ मिलत हे। वो पूरा देस बर अनुकरणीय हे , अइसा तमिलनाडु म घलो होना चाही । वोहा किहीन कि छत्तीसगढ़ प्रदेस के सरकार ह किसान हितैषी हे अउ किसान मन के उत्थान बर काम करत हे ।
संगेसंग राजीव गांधी किसान न्याय योजना के माध्यम ले किसान मन ल हरेक एकड़ बोनस रासि घलो दे जात हे , एखर ले किसान समृद्ध होवत हे । मुख्यमंत्री ह किसान मन ले रु-ब-रु होत हुए किहीन – वेलकम टू ऑल। (Raipur) वोहा किहीन कि सरकार डहार ले लघु वनोपज, गन्ना, मिलेट के खरीदी ल बेहतर मूल्य म करे जात हे । किसान मन ल ओखर मेहनत के फल दे के सरकार हरसंभव परयास करत ही । ए दउरान स्थानीय विधायक अमितेश शुक्ल अउ मुख्यमंत्री के विशेष सचिव अंकित आनंद ह किसान मन के प्रति आभार प्रकट करीन ।
Other Articles
