बिजली कस उदड़थे किसान के ये बेटा, खुल्ला पांव 11 सेकंड म 100 मीटर दउड़गे, खेल मंत्री हा किहिन- मोर करा भेजव

भोपाल। मध्यप्रदेश के शिवपुरी जिला के एक किसान परिवार के बेटा हा जइसे बिजली कस दउड़थे। 19 साल के रामेश्‍वर गुर्जर हा 11 सेकंड म 100 मीटर के दउड़ पूरा कर डरिस। खुल्ला पांव सड़क म दउड़त रामेश्वर के वीडियो सोशल मीडिया म वायरल होगे।

जेला प्रदेश के पूर्व मुख्यमंत्री शिवराज सिंह चौहान हा शेयर करिन अउ केन्द्रीय खेल मंत्री किरण रिजिजू ले ये नौजवान के सहायता करे के अपील घलो करिन। एकर बाद रिजिजू हा किहिन,‘कोनो ला एला मोर करा भेजे बर काहव, मैं एला एथलेटिक अकादमी म भेजहूं।’

मध्‍यप्रदेश के खेल मंत्री जीतू पटवारी हा किहिन, ‘बरोबर ट्र‍ेनिंग अउ संसाधन मिले ले ये लड़का हा 100 मीटर के दउड़ ला 9 सेकंड म पूरा कर सकथे।’ रामेश्‍वर ला भोपाल भी बलाए गे हे।

देश म सबले तेज रफ्तार ले 100 मीटर दौड़ के राष्ट्रीय रिकॉर्ड अमिया मलिक के नाम हे। ओमन 100 मीटर के रेस 10.26 सेकंड म पूरा करे रिहिन। अंतरराष्ट्रीय स्तर म 100 मीटर रेस ला सबले कम समय म जमैका के उसैन बोल्‍ट हा 2009 म पूरा करे रिहिन। उसैन हा बर्लिन वर्ल्ड चैंपियनशिप म ये दूरी ला 9.58 सेकंड म पूरा करके विश्व रिकॉर्ड बनाए रिहिस।