पिता के अंतिम इच्छा ल पूरा करिस छह बेटी मन, कंधा देके दिस अंतिम विदाई

जय जोहार रायपुर…. बालोद जिला के ग्राम सांगली म पिता के मौत के बाद छह बेटी मन ह अपन पिता ल कंधा देके अंतिम विदाई दिस। ये पल ल देखके हरेक झन के आंख मन ह नम हो गिस।

दरअसल मृतक दशरथ निर्मलकर के अंतिम इच्छा रहिस कि ओखर छह बेटी मन हे अऊ कोनो बेटा नई हे। ऐसे म मौत के बाद ओला बेटी मन ह अंतिम कंधा दे। दशरथ के मौत के बाद अपन पिता के इच्छा के अनुसार बेटी मन ह अपन पिता ल अंतिम कंधा दिस। बेटी मन ह वो कहावत ल भी चरितार्थ कर दिखाइस, जेमा कहात जात हे कि बेटी मन बेटा ले कम नई हे।

गांव के सरपंच उज्जवल साहू ह कहिन कि दशरथ के अंतिम इच्छा रहिस कि बेटी मन ह वो ला कंधा दे। ओखर अंतिम इच्छा ह पूरा होइस। ह मन ल ये बेटी मन म गर्व हे।