पहिली दिन गहमा-गहमी भरे रिहिस हे मानसून सत्र ह

रायपुर । छत्तीसगढ़ विधान सभा के मानसून सत्र के पहिली दिन गहमा-गहमी भरे रिहिस हे। बहुचर्चित सेक्स सीडी कांड मामला म सीबीआई जांच के घेरा म आय के बाद रिंकू खनूजा के कथित आत्महत्या के मामला म सदन ह आज जमके उबलिस। कांग्रेसी विधायक मन ह खनूजा के मउत ल सुनियोजित राजनीतिक षड्यंत्र बतात हुए स्थगन पेस करके चर्चा के मांग करिन। विस अध्यक्ष ह विपक्ष के स्थगन प्रस्ताव ल खारिज कर दिस। स्थगन खारिज होय ले तिलमिलाय विपक्षी विधायक मन ह सदन म जमके हंगामा करिन, हंगामा के वजह ले कार्यवाही मंगलवार बर स्थगित कर दे गिस हे। छत्तीसगढ़ विधानसभा के मानसून सत्र के पहिली दिन सदन म पूर्व मंत्री हेमचंद यादव, विक्रम भगत अउ स्वतंत्रता संग्राम सेनानी, सांसद, पत्रकार अउ साहित्यकार केयूर भूषण ल श्रद्धांजलि दीस।