छत्तीसगढ़ बर राहत भरे खबर, पांच अऊ मरीज ह होगे ठीक, एम्स ह करिन डिस्चार्ज

जय जोहार…. छत्तीसगढ़ ले राहत भरे खबर आवत हे। पांच अउ मरीज ह कोरोना ल मात दे दे हे। ठीक होवइया म एक लईका अऊ दू महिला मन घलो शामिल हे। स्वस्थ होय के बाद ए मन ल अस्पताल ले डिस्चार्ज कर दे गे हे। स्वास्थ्य मंत्री टीएस सिंहदेव ह ट्वीट कर ये जानकारी ल दे हे।

बता देन कि छत्तीसगढ़ म अब तक कुल 59 कोरोना पाजिटिव मरीज ह मिले हे। जेमा ले 43 मरीज मन ह स्वस्थ हो गे हे। ओ मन ल अस्पताल ले डिस्चार्ज कर दे गे हे। ऊहचे एम्स म अभी 16 एक्टिव मरीज हे, जेखर इलाज चलत हे। सब्बो मरीज मन के हालत स्थिर हे।