छत्तीसगढ़ बर राहत भरे खबर, पांच पाजिटिव मरीज ह जीतिस कोरोना ले जंग, अस्पताल ह करिन डिस्चार्ज

जय जोहार…. छत्तीसगढ़ म कोरोना के सरलघा बाढ़त मामले के बीच एक राहत भरे खबर सामने आवत हे। सोमवार के पांच कोरोना पाजिटिव मरीज ह कोरोना ल मात दे दे हे। जानकारी के मुताबिक रायपुर एम्स ले चार अऊ अंबिकापुर मेडिकल कालेज ले एक मरीज ह स्वस्थ हो गे हे। एखर बाद मरीज मन ल डिस्चार्ज कर दे गे हे। डिस्चार्ज मरीज मन ल डाक्टर मन ह 14 दिन क्वारेंटाइन म रहे के हिदायत दे हे।

बता देन कि पांच मरीज ल छुट्‌टी मिले के बाद प्रदेश म अब कुल एक्टिव केस के संख्या ह घट के 220 हो गे हे। एखर पुष्टि ल राज्य कोरोना कंट्रोल डेस्क ह करे हे।