chhattisgarh म 5 ठीन काम दिवस हरेक सप्ताह प्रणाली होगे लागू, पढ़व
जय जोहार…. (chhattisgarh ) मुख्यमंत्री भूपेश बघेल डहार ले गणतंत्र दिवस के अवसर म सासकीय कर्मचारी मन के कार्यक्षमता अउ उत्पादकता ल बढ़ाय बर पांच ठीन काम दिवस हरेक सप्ताह प्रणाली प्रारंभ करे के घोसना करे रिहीन। ए तारतम्य म आज सामान्य प्रसासन विभाग डहार ले मंत्रालय ले अधिसूचना जारी कर कर दे गेहे ।
जारी अधिसूचना म कहे गेहे कि (chhattisgarh ) राज्य सासन डहार ले सासकीय कर्मचारी मन के कार्यक्षमता अउ उत्पादकता ल बढ़ाय के उद्देश्य ले माह के दुसरइया अउ तीसरइया शनिवार के भांति सबो शनिवार के अवकास घोसित करे जात हे।
(chhattisgarh ) अधिसूचना म ये घलो कहे गेहे कि राज्य के मंत्रालय, विभागाध्यक्ष कार्यालय अउ सबो मैदानी कार्यालय बर काम के अवधि बिहनिया 10 बजे ले संझा 5.30 तक निर्धारित करे जात हे । कार्यालयीन अवधि म भोजन अवकास पूर्व के भांति रही । ये आदेस अधिसूचना जारी होय के दिनांक ले प्रभावसील होही ।
